不經不覺成為全職神學生已有兩個月的時候了。話長一定唔長，但話短，又唔可以話短，至少兩個月都可以炒樓炒股票買六合彩等好多次。
性格內歛，向來著重內功心法，懶得出招的我。旁觀了兩個月，發現有二個真係有趣萬分gei人，一個係W老師，一個係S同學。
W老師在學院任教新約多年，可謂見慣神學生百態。聽佢上課講嘢，你會以為佢係開緊研討會，佢會當所有學生都係新約／希臘文專家。所以我成日會覺得上唔上佢堂都冇咩所謂，反正都係要自己睇。不過亦正係因為佢度打滾多年，所以都好似睇到好化，亦有唔少學習心得心提出來（基本上我認為佢d心得，重要過佢講gei內容）。加上佢把串咀經用講笑話，又真係唔得佢死。
就上星期，要test希臘文，正當所有同學埋頭苦幹之際，忽有一書友問老師題目是否有問題，他細看後說是有，於是便作出更改。這其實也是尋用事，點估到佢竟然以下一段說話：＂我份人就幾無所謂，學生話我錯，咁我就睇下有無錯，咁有就改囉！有d老師就未必會睇，總會肯定認為無錯。呢d都同性格有關，咁我無咩所謂......不過所以我份人唔長進囉！＂大佬呀！我地test緊，你就唔好講d咁嘢啦，成日攪笑，點做呀！
此乃奇人一，奇人二是S同學。我一向都佢S哥！
S哥身長五尺十，丹鳳眼，短刀眉，臉有雄虎之姿，聲如洪鐘，型如大熊，配上一頭銀黑相間用百利髮乳精心塗抹的郭富城出道髮型，大有江湖大佬之格。
人如其表，外表豪邁，內裡亦同樣奔放。S哥性格豪爽率直，坦坦白白，有碗話碗，有碟話碟，有情有義（有少少似萬梓良）。每次同佢食飯，總覺得自已成為江湖中人一樣，有幾次真係好想買幾罐啤酒一齊响canteen隊咗佢！當然係發夢啦！可能因為有呢份江湖豪情，所以S哥佢凡事都可以不拘小節，但係一講到信仰，佢就認真萬分，絕不能講笑（就好似嘍囉見頂爺一樣）。
果然人生如戲，舞台中人，總是活生生的。還是參與其中更過癮！
沒有留言:
張貼留言